शुक्रबार बढ्यो सुनको मूल्य, कति पुग्यो तोलाको ?

लगानी खबर, काठमाडौं  - कारोबार हुने हप्ताको अन्तिम दिन आज (शुक्रबार) नेपाली बजारमा सुन-चाँदीको मूल्य बढेको छ । 

हिजो (बिहीबार) तोलाको ८८ हजार ७ सय रुपैयाँमा कारोबार भएको छापावाला सुनको मूल्य आज शुक्रबार ९ सय रुपैयाँले बढेर तोलाको ८९ हजार ६ सय रुपैयाँमा कारोबार भएको नेपाल सुनचाँदी व्यवसायी महासंघले जनाएको छ । 

त्यस्तै, तेजावी सुनको मूल्य आज तोलाको ८९ हजार १ सय ५० रुपैयाँ कायम भएको छ । हिजो तेजावी सुनको मूल्य ८८ हजार २ सय ५०  रुपैयाँ कायम भएको थियो । 

त्यसैगरी, आज चाँदीको मूल्यमा पनि बढेको छ । हिजो तोलाको ११ सय २० रुपैयाँमा कारोबार भएको चाँदीको मूल्य आज २० रुपैयाँले बढेर तोलाको ११ सय ४० रुपैयाँमा करोबार भएको नोपल महासंघले जनाएको छ ।