आइतबार सुनको मूल्य स्थिर, कतिमा हुँदैछ कारोबार ?

यस हप्ताको पहिलो कारोबार दिन आज (आइतबार) नेपाली बजारमा सुनको मूल्य स्थिर रहेको छ भने चाँदीको मूल्य घटेको छ । 

गएको (शुक्रबार) तोलाको ८९ हजार रुपैयाँमा कारोबार भएको छापावाला सुनको मूल्य आज आइतबार  पनि सोही मूल्यमा कारोबार भएको नेपाल सुनचाँदी व्यवसायी महासंघले जनाएको छ । 

त्यसैगरी, तेजावी सुनको मूल्य पनि आज स्थिर रहि तोलाको ८८ हजार ५ सय ५० रुपैयाँमा कारोबार भएको छ । 

त्यस्तै, आज चाँदीको मूल्य भने घटेको छ । शुक्रबार तोलाको ११ सय ६० रुपैयाँमा कारोबार भएको चाँदीको मूल्य आज १० रुपैयाँले घटेर तोलाको ११ सय ५० रुपैयाँमा कारोबार भएको महासंघले जनाएको छ ।