५ सयले घट्यो सुनको मूल्य

आज (बिहीबार) नेपाली बजारमा सुनचाँदीको मूल्य घटेको छ । 

नेपाल सुनचाँदी व्यवसायी महासंघका अनुसार  हिजो (बुधबार) तोलाको ९० हजार १ सय रुपैयाँमा कारोबार भएको छापावाला सुनको मूल्य आज बिहीबार ५ सय रुपैयाँले घटेर तोलाको ८९ हजार ६ सय रुपैयाँमा कारोबार भएको छ । 

त्यसैगरी, तेजावी सुनको मूल्य आज तोलाको ८९ हजार १ सय ५० रुपैयाँ कायम भएको छ । हिजो तेजावी सुनको मूल्य तोलाको ८९ हजार ६ सय ५० रुपैयाँ कायम भएको थियो ।  

त्यस्तै, आज चाँदीको मूल्य पनि घटेको छ । हिजो तोलाको ११ सय ६५ रुपैयाँमा कारोबार भएको चाँदीको मूल्य आज १० रुपैयाँले घटेर तोलाको ११ सय ५५ रुपैयाँमा कारोबार भएको महासंघले जनाएको छ ।