बुधबार बढ्यो सुन-चाँदीको मूल्य

आज (बुधबार) नेपाली बजारमा सुन-चाँदीको मूल्यले उकालो यात्रा तय गरेको छ । 

हिजो (मंगलबार) तोलाको ८९ हजार २ सय रुपैयाँमा कारोबार भएको छापावाला सुनको मूल्य आज बुधबार ९ सय रुपैयाँले बढेर तोलाको ९० हजार १ सय रुपैयाँमा कारोबार भएको नेपाल सुनचाँदी व्यवसायी महासंघले जनाएको छ । 

त्यसैगरी, तेजावी सुनको मूल्य आज तोलाको ८९ हजार ६ सय ५० रुपैयाँ कायम भएको छ । मंगलबार तेजावी सुनको मूल्य तोलाको ८८ हजार ७ सय ५० रुपैयाँ कायम भएको थियो ।  

त्यस्तै, आज चाँदीको मूल्य पनि बढेको छ । हिजो तोलाको ११ सय ४० रुपैयाँमा कारोबार भएको चाँदीको मूल्य आज २५ रुपैयाँले बढेर तोलाको ११ सय ६५ रुपैयाँमा कारोबार भएको महासंघले जनाएको छ ।