शुक्रबार १४ सयले घट्यो सुनको मूल्य, कति पुग्यो तोलाको ?

आज (शुक्रबार) नेपाली बजारमा सुनचाँदीको मूल्यले ओरालो यात्रा तय गरेको छ ।  

हिजो बिहीबार तोलाको ९० हजार ५ सय रुपैयाँमा कारोबार भएको छापावाला सुनको मूल्य आज शुक्रबार १ हजार ४ सय रुपैयाँले घटेर तोलाको ८९ हजार १ सय रुपैयाँमा कारोबार भएको नेपाल सुनचाँदी व्यवसायी महासंघले जनाएको छ । 

त्यसैगरी, तेजावी सुनको मूल्य आज तोलाको ८८ हजार ६ सय ५० रुपैयाँ कायम भएको छ । हिजो तेजावी सुनको मूल्य तोलाको ९० हजार रुपैयाँ कायम भएको थियो ।  

त्यस्तै, आज शुक्रबार लगातार स्थिर रहेको चाँदीको मूल्य पनि घटेको छ । हिजो तोलाको १ हजार २ सय रुपैयाँमा कारोबार भएको चाँदीको मूल्य आज ३० रुपैयाँले घटेर तोलाको ११ सय ७० रुपैयाँमा कारोबार भएको महासंघले जनाएको छ ।