चर्चित गायिका ब्रिट्नी स्पेयर्सले गरिन् इन्गेजमेन्ट

विश्व चर्चित पप गायिका ब्रिट्नी स्पेयर्सले इन्गेजमेन्ट गरेकी छिन् । पिताको नियन्त्रणबाट मुक्त भएलगतै उनले आफ्ना प्रेमी सैम असघरीसँग इन्गेजमेन्ट गरेकी हुन् ।

मिडिया रिपोर्टका अनुसार, ३९ वर्षकी ब्रिट्नीले आइतबार सामाजिक संजालमा इन्गेजमेन्टको औठी देखाउँदै एक भिडियो पोष्ट गरेकी छिन् । 

ब्रिट्नी र सैमले लामो समयको प्रेम सम्बन्धलाई बिहेमा परिणत गर्ने तयारी गरेको मिडियाले उल्लेख गरेका छन् । ब्रिट्नीकी आमाले पनि उनीहरुलाई शुभकामना दिएकी छिन् । उनका प्रेमी सैम इरानका हुन् । उनी २७ वर्षका छन् ।