अभिनेत्री यामी र निर्देशक आदित्य वैवाहिक जीवनमा बाँधिए

बलिउड अभिनेत्री यामी गौतम र निर्देशक आदित्य धर वैवाहिक जीवनमा बाँधिएका छन् । उनीहरुले सामाजिक सञ्जालको माध्यमबाट आफूहरु  शुक्रबार विवाह बन्धनमा बाँधिएको जानकारी दिएका हुन् । कोरोना महामारीका कारण उनीहरुको विवाह समारोह निकै छोटो राखिएको थियो भने दुई परिवारका सीमित व्यक्तिको मात्र उपस्थिति रहेको थियो । 
 
सन् २०१९ मा रिलिज भएको फिल्म ‘उरी : द सर्जिकल स्ट्राइक’ लाई आदित्य धरले निर्देशन गरेका हुन् । यसमा यामीको सहायक भूमिका थियो । यही फिल्मको छायांकनको समयदेखि उनीहरु एकअर्काको प्रेममा रहेका थिए ।