कोरोना संक्रमित पूर्वमहारानी कोमलको अवस्था गम्भीर, प्लाज्मा थेरापीबाट उपचार हुँदै

कोरोना संक्रमण भई यस नर्भिक इन्टरनेशनल हस्पिटलमा उपचाररत पूर्वमहारानी कोमल शाहको स्वास्थ्यमा गम्भीर समस्या देखिएको छ। स्वास्थ्यमा गम्भीर समस्या देखिएपछ उनलाई प्लाज्मा थेरापीबाट उपचार थालिएको छ । उनलाई यो विधिबाट बिहीबार साँझदेखि उपचार थालिएको हो । 

उनमा श्वासप्रश्वासको समस्या देखिएको र अक्सिजनको समेत कमी देखिएपछि बुधबार साँझदेखि आइसियूमा सारिएको थियो । आज पनि उनलाई हिजोको जस्तै हाई फ्लो अक्सिजनको सपोर्टमा राखिएको छ । 

अस्पतालमै उपचाररत पूर्व राजा ज्ञानेन्द्र शाहको अवस्था भने सामान्य र स्थिर छ । उनी पनि हाल अक्सिजनकै सामान्य सपोर्टमा हुनुहुन्छ ।  पूर्व अधिराजकुमारी प्रेरणाको अवस्था भने निकै सामान्य छ । 

तीनैजना गत शनिवारदेखि नर्भिक अस्पतालमा भर्ना भएका हुन् । त्यसको केही दिनअघि उनीहरुको स्वाब परीक्षण गर्दा कोरोना संक्रमण पुष्टि भएको थियो ।