रेश्मा श्रेष्ठ कुँवरले जित्न सफल भईन ब्युटिसियन ट्यालेण्ट चितवनको ताज

क्रियटिभ ईन्साईट मिडियाको प्रस्तुतिमा चितवनको नारायणगडमा ब्युटिसियन ट्यालेण्ट चितवन-२०२१ भब्य रुपमा सम्पन्न भएको छ ।

उक्त प्रतिश्प्रधामा सौन्दर्यकर्मी रेश्मा श्रेष्ठ कुँवरले ब्युटिसियन ट्यालेण्ट चितवन-२०२१ को ताज पहिरहन सफल भएकी छिन । त्यसैगरी फर्स्ट रनरअप सौन्दर्यकर्मी शारदा बराल, सेकेण्ड रनरअप  शान्ति थापा र भिउवर्स च्वाइसको उपाधि सुप्रिना लामाले जित्न सफल भएका थिए ।  

ब्युटिसियन ट्यालेण्ट चितवन बिजेता श्रेष्ठले रु. पचास हजार नगद सहित सम्पूर्ण प्रतिश्प्रधिहरुले रोज शिप विकास तालिम केन्द्र रविभवन काठमाण्डौंमा एक हप्ताको सेल्फ मेकअप निशुल्क पाउने भएका छन् । साथै विजेता सबैले क्राउन, सर्टिफिकेटको साथमा फाइटो म्याक्स कम्पनी स्किन एड बाट गिफ्ट ह्याम्पर समेत प्राप्त गरेका थिए । त्यस्तै उपाधि विजेताहरुले म्युजीक भिडियोमा अभिनयको अवसर पाउने प्रतियोगिताकी अध्यक्ष सरिता आचार्यले जानकारी गराएकी छिन ।

प्रतियोगिताको निर्णायकहरु बरिष्ट सौन्दर्यबिद सोनी कारंजित, सञ्चारकर्मी, कलाकार तथा निर्देशक सुर्य चन्द, समाजसेवि तथा सौन्दर्यकर्मी अन्जु बुढाथोकी रहेका थिए । ब्युटिसियन ट्यालेन्ट चितवन २०२१ को प्रमुख अतिथि बागमति प्रदेश सभा सदस्य, स्वास्थ्य तथा कृषि समिति सभापति बागमति प्रदेशका घनश्याम दाहाल (अभिनाश) र अतिथिहरुमा समाजसेवी दिपक थापा, समाजसेवी बलराम सैंजु रहेका थिए ।

ब्युटिसियन ट्यालेण्ट चितवन-२०२१ को इभेन्टका म्यानेजर कमल बराल, कोरियोग्राफर मानिस तामाङ, सहायक कोरियोग्राफिमा एलिना गुरुङ  रहेका थिए भने कार्याक्रम संचालन मोडल, म्युजिक भिडियो निर्देशक तथा भिजे प्रहिल कार्कीले गरेका थिए ।